Hutten, Ulrich von – Dem Erwirdigen vnd andechtigen Hern Jorgen prior der Carthusen bey Freyburg vnd Visitator der prouintz des Reinsz.

Hutten, Ulrich von – Dem Erwirdigen vnd andechtigen Hern Jorgen prior der Carthusen bey Freyburg vnd Visitator der prouintz des Reinsz.

Dem Erwirdigen vnd andechtigen Hern Jorgen prior der Carthusen bey Freyburg vnd Visitator der prouintz des Reinsz.

Wirdiger Andechtiger Lieber her vnd Freund Euch zuuor mein willig dinst. Welcher massen vnd mit was freuenlichen durstigen wortten aus argem neidischen gemuth Prior Procurator vnd Conuent des Charthuser klosters zu Strasburg mich an meynen Eren ritterlichem Standt vnd herkomen guttem leymut vnd gerucht wider gotlich naturlich vnd der menschen satzung souil an Inen zuuerletzen zuuercleynen beruchtigen vnd diffamieren nit allein in Irem kloster sonder auch zu Strasburg vnd allenthalben wo sie gehort megen werden sonder alle verursachen vnderstanden, habt ir aus eingeschloszner copey Inen zugeschickter vnd vberantwurter missiue leichtlich zuerlernen. Dwil nun meyner Eren notturfft nach, angeregte schmeh Iniiurj vnd meiner Eren verletzung vngeant zulassen mir keins wegs gepuren will vnd aber Ir der gedachten Carthuser oberher vnd visitator, hab ich Euch Ir vnbillich vnbesynd handlung vnd mein notgedrangkt vornemen gegen Inen vnuerhalten nit wollen lassen gutlich bittend Ir als der hochuerstendig (: dem onzweyffel dis hessige sampt allen Erbern misfellige handlunge leid:) dermassen einsehen saben wollt damit nit euch vnd gemeiner prouintz oder deren besonder gelider vnd verwantten Ichts widerwertigs oder nachtheiligs begegne das mir dan treulich leidt mich doch hiemit gegen euch entschuldigt haben hab ich euch hern visitator ewer person zu besonderm gefallen nit wollen verhalten darnach zurichten. Datum zu Durmstein vff dornstag nach der heilgen Eylffthausent Jungfrawen tag Im Jar nach Christi vnsers hern geburt thausent funffhundert vnd Innn xxj°.

Vlrich von Hutten zum Steckelberg der Junger.

Zeitschrift für die historische Theologie
herausgegeben von Dr. Christian Wilhelm Riedner
Jahrgang 1847.
Leipzig:
F. A. Brockhaus.
1847

Kommentare sind geschlossen.